Preet Banideun Timi | Hamro Patro

प्रित बनिदेउन तिमी

   सिताराम भट्टराई - Jan 31 2024

जिवनभर साथ रहने अमर प्रित बनिदेउन तिमी
मनमा वास गरि मेरो मनको मित बनिदेउन तिमी

तिम्रो साथले मात्र मेरो जीवनमा‌ मिठो राग बन्छ
मैले गित‌ गुनगुनाउदा सुमधुर संगीत बनिदेउन तिमी

संसार जित्ने हिम्मत गर्छु तिमी साथमा भयौ भने
जिवनको ‌दौडमा कतै मैंले हारे जित बनिदेउन तिमी

झुल्केघाम सँगै तिम्लाइ हेर्दै दिनको सुरुवात गर्छु
बिहानीको मोति दानाझैं टल्कने शित बनिदेउन तिमी

तिम्रो बियोगले तड्पिएर एकान्तमा एक्लै रुदा
तिम्रो बियोग भुलाउने मिठो गित बनिदेउन तिमी

प्रेम दिवसमा भगवान सँग यहि कामना म गर्छु
मृत्यु पर्यन्त मात्र मेरो अतित बनिदेउन तिमी।