आइतबार नव वर्ष २०१७ र नेप्लिज फेसन होम को १४औ बार्षिकोत्सव को उपलक्ष परेर डिल्लीबजार स्थित नेप्लिज फेसन होम कै कार्यालय मा १२ औं मिस नेवा: ११३७ मा सहभागी हुने ३५ कन्टेसटेन्टको अभिमुखीकरण कार्यक्रम सम्पन्न भयो । ३५ सहभागीलार्इ ज्याकेट, टि-सर्ट बाँडेर र नेप्लिज फेसन होमको बार्षिकोत्सवको अवसर केक काटेर सो कार्यक्रम सम्पन्न भयो । 
सहभागीहरुको मनोबल बढाउन पुर्व मिस नेवा: सुनिता डंगोल अलिशा बज्राचार्य र एन्जल श्रेष्ठले सबैलाई मिस नेवा: को महत्व बुझाउँदै आ-आफ्नो अनुभव सुनाए । उक्त कार्यक्रममा सहभागी सबै पाहुनाहरुलाई नेवार संस्कृति को अनुसार अण्डा, दही र माछा सगुन स्वरूप खुवाइयो । ३५ प्रतिस्पर्धीहरुलाई आजबाट विभिन्न किसिमको तालिम प्रदान गरिनेछ । प्रतियोगिताको फाइनल चाहीँ माघ २४ गते हुने पक्का भएको छ ।
१२ औ मिस नेवा:का उपस्थित प्रतिस्पर्धीहरुसँग हाम्रो पात्रोले कुराकानी गर्दा सबै कन्टेस्टहरुले यो प्रतियोगितामा सहभागी हुन पाउदा आफुहरु निकै उत्साहित रहेको र नेवार संस्कृतिलार्इ प्राथमिकता दिइने ४५ दिने तालिम लिन पाउनु आफुहरुको लागि ठुलो अवसर रहेको नि ब्यक्त गरे ।
Liked by:
