मोवाइल एप्लिकेशन सार्वजनिक
लिभिङ विथ आइसिटीले दोश्रो संस्करणको रुपमा आयोजना गर्न लागिरहेको आइसिटी अवार्ड २०१७ मा सहभागिताको लागि अनलाइन आवेदन दिने समय तीन दिन थप गरिएको छ । असार ३१ गतेसम्म तोकिएको समयावधिमा उल्लेख्य कम्पनी तथा व्यत्तिको सहभागिता भएपनि अझ थप समयको माग भएको कारण समयावधि थप गरिएको आयोजक समितीले जनाएको छ ।
अब कम्पनी तथा व्यत्तिले आफ्नो सहभागिताको लागि श्रावण ३ गतेसम्म अनलाइन आवेदन दिन सक्नेछन । कार्यक्रमको अफिसियल वेबसाइट www.ictawardnepal.com वा मोवाइल एप्लिकेशन मार्फत विभिन्न सुहाउदो बिधामा अवार्डको प्रतिस्प्रधामा सहभागिता जनाउन सकिनेछ । यस वर्ष विभिन्न पाँच विधामा आइसिटी अवार्ड प्रदान गरिने छ ।
प्ले स्टोरमा अवार्डको मोवाइल एप्लिकेशन
शनिवार आइसिटी अवार्डको मोवाइल एप्लिकेशन सार्वजनिक गरिएको आयोजकले जनाएको छ । गुगल प्ले स्टोरमा ICT Award सर्च गरि एन्ड्रोइड एप्लिकेशन डाउनलोड गर्न सकिनेछ । अब अवार्डमा सहभागिताको लागि यहि एप्लिकेशन मार्फत पनि रजिस्ट्रेसन गर्न सकिने व्यवस्था गरिएको छ । एप्लिकेशनमा कार्यक्रमको बारेमा बिस्तृत जानकारीका साथै अवार्डसँग सम्वन्धित फोटो र भिडियो समेत हेर्न सकिने छ । अवार्ड सम्वन्धि समाचारहरु एप्लिकेशन मार्फत नै पढ्न सकिने छ भने अनलाइन रजिस्ट्रेसन मेनुमा गइ एप मार्फत नै मोवाइलबाटै इच्छुक व्यत्तिले सहभागिता जनाउन सकिनेछ । 
अवार्डका विधाहरु
यस वर्ष आइसिटी अवार्ड २०१७ मा पाच वटा विधा समावेश गरिएको छ । आइसिटी स्टार्टअप अवार्ड, बेस्ट इनोभेटिभ प्रडक्ट अवार्ड, पायोनियर्स अवार्ड, स्कोलर अवार्ड र बेस्ट डायस्पोरा आइसिटी अवार्ड गरी पाच विधामा अवार्ड गरिने छ । स्टार्टअप कम्पनी अवार्ड, इनोभेटिभ प्रडक्ट र स्कोलर अवार्डमा विभिन्न चरणका प्रतिस्प्रधाबाट छानिएका उत्कृष्ट एकलाइ अवार्ड गरिनेछ भने पायोनियर्स र डायस्पोरा अवार्डमा सहभागीहरुबाट जुरी समुहको मुल्यांकनको आधारमा अवार्ड प्रदान गरिनेछ ।
कसले भाग लिन सक्छन ?
आइसिटी अवार्डको पहिलो विधा स्टार्टअप कम्पनी अवार्डमा नेपालमा कम्पनी रजिस्ट्रर भएका तर तीन वर्ष ननाघेका कम्पनीहरुले एप्लाइ गर्न सक्नेछन् । यसको लागि कम्तीमा एउटा आइटी प्रडक्ट सार्वजनिक भएको हुनुपर्नेछ । अनलाइन निवेदन दिन www.ictawardnepal.com मा गएर स्टार्टअप कम्पनी क्याटेगोरिजमा अनलाइन रजिस्ट्रेसन मेनुमा क्लिक गरि अनलाइन फारम बुझाउन सकिनेछ ।
इनोभेटिभ प्रडक्ट अवार्डमा एक वर्षभित्र (२०७३ असार २१ देखि २०७४ असार २०) भित्र सावैजनिक भएका कुनै आइटी प्रडक्ट (एप, वेब सर्भिस, सोलुसन, इ कमर्श आदि) ले सहभागिता जनाउन सक्नेछन । यसको लागि www.ictawardnepal.com मा गएर बेस्ट इनोभेटिभ प्रडक्ट अवार्ड २०१७ क्याटेगोरिजमा गई अनलाइन रजिस्ट्रेसन मेनुमा क्लिक गरि अनलाइन फारम बुझाउन सकिनेछ । यसको लागि कम्पनी अनिवार्य छैन ।
स्कोलर अवार्डमा आइटी तथा इन्जिनियरिङ अध्ययन गरिरहेका विद्यार्थीहरुले बनाएका प्रोजेक्टको आधारमा अनलाइन आवेदन दिन सकिनेछ । यसमा हार्डवेयर, सफ्टवेयर वा फाइनल सेमेस्टरका उत्कृष्ट रिसर्च पेपरहरुलाइ समेत आधार बनाएर रजिस्ट्रेसन गर्न सकिनेछ ।
आइसिटी पायोनियर अवार्ड र आइसिटी डायस्पोरा अवार्ड २०१७ मा कोहिले पनि आफुलाइ राम्रो लागेको र त्यस क्षेत्रमा योगदान पुर्याएको व्यत्तिहरुको मुल्यांकन गरि नोमिनी दर्ता गराउन सकिनेछ । यसमा अरु कसैले सिफारिस गरेका व्यत्तिहरुको आन्तरिक मुल्यांकनबाट अवार्ड प्रदान गरिनेछ ।
के पाउछन अवार्ड विजेताले ?
यो नेपालको सुचना तथा सञ्चार प्रविधि क्षेत्रको सबैभन्दा ठुलो र फरक किसिमको अवार्ड कार्यक्रम हो । यसमा आयोजकले अवार्ड विजेतालाइ आकर्षक शिल्ड र प्रमाणपत्र प्रदान गर्नेछ । विजेतालाइ विशेष सम्मान सहित रिकग्नाइज गर्नेछ । केहि क्याटेगोरिजका विजेतालाइ भने रकम प्रदान गर्नेतर्फ तयारी भइरहेको आयोजकले जनाएको छ । अन्य विभिन्न कम्पनीहरुले विजेतालाइ केहि सुविधा र थप इन्भेष्टमेन्टको लागि अवसर प्रदान गर्नेछन । आइसिटी अवार्ड २०१७ को अन्तिम कार्यक्रम एक विशेष समारोह बिच भदौ २ गते सम्पन्न हुने बताइएको छ ।
Liked by:
