२० वर्षको अन्तरालपछि स्थानीय स्तरमा सरकारको उपस्थितिको प्रतिक यो स्थानीय निर्वाचन २०७४ ले स्थानीय स्तरमा भग्नावशेष झै कमजोर बनेका तहलार्इ सक्रिय बनाउनकालागि जनताले रोजेका जनप्रतिनिधिहरूको मतगणनाको कार्य जारी रहेको छ ।
यस पटकको निर्वाचनले मतदातालार्इ नयाँ राजनीतिक अभ्यासको समेत स्वाद चखायो, त्यो हो "राजनीतिक गठबन्धन" । दुर्इ दल मिलेर जनतासामू मतमार्फत् एउटै भोट माग्ने यो अभ्यासमा नेपाली राजनीतिको उतिसाह्रो अनुभव छैन । एतिहासिक रूपमा घोषणा भएका केहि गठबन्धन राजनीतिक चिन्तनको रूपमा भने अचम्मै मान्नुपर्छ, काँग्रेस - माअोवादी केन्द्रको गठबन्धन, नयाँशक्ति - संघिय समाजवादी फोरम नेपाल तथा अन्त्यमा नेकपा एमाले - राप्रपा नेपाल गठबन्धन । एकातर्फ राजतन्त्र तथा हिन्दू एजेण्डा बोकेको कमल थापा नेतृत्वको राप्रपा अर्कोतर्फ प्रजातान्त्रिक अभ्यासमा कम्यूनिष्ट चिन्तनबिचको गठबन्धनलार्इ नेपाली जनताले अनुभव लिने माैका प्राप्त गरे ।
तर रमाइलो के भने काठमाण्डाै महानगरपालिकामा उप-मेयरमा राप्रपाले प्राप्त गरेको मत सदर भन्दा पनि बदर धेरै भएकाछन् । जसमा राप्रपाले कामनपावासीबाट प्राप्त गरेको कूल २०८ मतमा बदर मतको संख्या २१३ रहेको छ । काठमाण्डाैको नन्दीकेशरी तथा हिटिपोखरी केन्द्रका मतगणनाका क्रममा यो अन्तर भेटिएको हो जहाँ मेयरमा प्राप्त १०६ मत बदर भएका छन् भने उप-मेयरमा २१३ मत बदर भएकाछन् ।
Liked by:
