ज्यो. प. चेतनारायण लामिछाने - Mar 20 2020 जगतमा नव-मानव भो अरे फगत-मा-नव-मानव जो छ रे
छ त कुनै उस-मा-नवता कतै भन सखे ! मन-मा-नवता भए
पर छ जो उस-मा- नवता, समा भर छ केवल ऊ रति-तासमा
अनि छ लत् उसको मधु-मांसमा तर नि भन्छ सधैँ छ विवेक् ममा
न छ दया अनि सत्य, पवित्रता नियम, ज्ञान र ध्यान, सुमित्रता
छ त कतै नव चिन्तन वेदको सकल लोक छ व्यापक भेदको
न छ कुनै उसमा-नव संस्कृति न छ कुनै उसमा नव आकृति
तर नि ऊ नव-मानव भो अरे फगत-मा-नव-मानव जो छ रे
भन न मानव - मा-नवता गयो अब त मा-नव दानव पो भयो
र पनि भन्छ म मानव हो अरे जगतमा नव-मानव भो अरे
छन्द – द्रुतविलम्बित
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस्
Liked by:
