सार्वजनिक भएका विभिन्न पोष्टरहरुबाट थुप्रै चर्चा बटुलेपछि अन्तत: बहुप्रतिक्षित चलचित्र प्रेमगीत ३ को पहिलो गीत सार्वजनिक भएको छ। छायाँकन सकाएर भर्खर मात्र काठमाडौँ फर्किएको निर्माण पक्षले मङ्गलवार चलचित्रको "हात्ती ढुङ्गामा" बोलको गीत सार्वजनिक गरेको हो। पृथक कथा र पृथक प्रस्तुतीमा निर्माण भएको "प्रेमगीत ३"को पहिलो गीतले नै सम्पूर्ण दर्शकहरुको अपेक्षाको अग्लो पहाडलाई भेट्ने पक्का छ। कल्याण घिमिरेको सङ्गीत रहेको यस उत्कृष्ट गीतमा सुपरस्टार प्रदीप खड्का भिन्न अवतारमा देखिएका छन् भने उनले यस चलचित्रको लागि कडा परिश्रम गरेको कुरा स्क्रिनमा देखिएको छ। नायिका क्रिष्टिना गुरुङ्गले पनि आफ्नो अव्वल प्रस्तुति दर्शकमाझ प्रस्तुत गरेकी छिन्।
सागर आले र मेलिना राईको स्वर रहेको यस गीतमा कविराज गहतराजको नृत्य निर्देशन रहेको छ भने गीतको छायाँकन मनाङ्गको चुनौतीपूर्ण मौसममा गरिएको हो। चैत्र २८ गते देशव्यापी रुपमा प्रदर्शनमा आउने यस चलचित्रलाई छेतन गुरुङ्ग र सन्तोष सेनले निर्देशन गरेका हुन् भने चलचित्रका निर्माता स्वयम् निर्देशक सन्तोष सेन आफैँ हुन्।
Liked by:
