“चंखे संखे पंखे” “प्रेमगीत” र “प्रेमगीत २” पछी अहिले छायांकनमा रहेको आसुसेन फिल्म्सको ब्यानरको अर्को चलचित्र “मेरी मामु”ले छोटो समयमा चौतर्फी सकारात्मक चर्चा बटुल्न सफल भैरहेको छ । निर्माता सन्तोष सेनको ६ बर्षिय सुपुत्र आयुब सेनको डेब्यु चलचित्र “मेरी मामु”मा अश्लेशा ठकुरी, सरुक ताम्राकार र नव नायिका कुसुम गुरुङ्गको अभिनय रहेको छ । तर निर्माण पक्षले अहिले भने चलचित्रका मुख्य पात्र आयुबलार्इ मात्र फिचर गरेर केहि पोष्टरहरु सार्वजनिक गरेको हो ।
बाल मनोविज्ञानमा आधारित यस चलचित्रले आमा छोराको एउटा बिल्कुलै भिन्न कथालार्इ दर्शक सामु ल्याउनेछ । अहिले छायांकनको अन्तिम चरणमा भएको यस चलचित्रको प्रदर्शन मिति भने भाद्र १५ को लागि तोकिएको छ । चलचित्रलार्इ यम थापाले निर्देशन गरेका हुन् ।
Liked by:
