केहि हफ्ता अघि सार्वजनिक भएको गीत “भन्छु आज”ले दर्शक श्रोताको मन जीतेपछी उक्त चलचित्र “म यस्तो गीत गाउछु”को ट्रेलर आज सार्वजनिक गरियो । ट्रेलर हेरेपछि अनुमान गर्न सकिन्छ यो चलचित्र एउटा स्तरीय लभ स्टोरी बनेको छ । चलचित्रका निर्देशक सुदर्शन थापाले भने आफुले यस चलचित्रलार्इ आफ्नो यस अघिको चलचित्र भन्दा अझ एक कदम माथि रहेर निर्माण गरेको आजको कार्यक्रममा ब्यक्त गरे । लगभग २ बर्षको कडा मेहेनतपछी चलचित्र म यस्तो गीत गाउछु तैयार भएको र चलचित्र असार ३० गते बाट देशव्यापी रूपमा प्रदर्शनमा आउने निर्माण पक्षले जानकारी दिए ।
यो पनि हेर्नुहोस् : पल र पुजाको नयाँ गीत
पल शाह र पुजा शर्माको जोडी पहिलो पटक ठुलो पर्दामा देखिने यस म्युजिकल लभ स्टोरीमा संगीतको जीम्मा भने अर्जुन पोखरेलले उठाएका छन् । अर्जुन र सुदर्शनको जोडीले यसअघि चलचित्र “प्रेमगीत”मा केहि उत्कृष्ट गीतहरु श्रोता माझ पस्केका थिए । चलचित्र म यस्तो गीत गाउँछुको संगीत पनि निक्कै अव्वल लाग्दछ । यसले चलचित्रलार्इ पक्कै पनि फाइदा पुर्याउनेछ ।
ट्रेलर हेरेपछि अपेक्षा निक्कै बढेको सुदर्शन थापा निर्देशित यो चलचित्र दर्शकको लागि एउटा प्रतिक्षित चलचित्र बनिसकेको छ । त्यसअघि चलचित्र म यस्तो गीत गाउछुको सम्पूर्ण टिमलार्इ हाम्रो पात्रोको तर्फबाट अग्रिम शुभकामना ।
चलचित्रको ट्रेलर यहाँ हेर्न सक्नुहुनेछ :
Liked by:
