सुदर्शन थापा निर्देशित नँया चलचित्र “रामकहानी”को ट्रेलर सार्वजनिक भएको छ । आकाश श्रेष्ठ र पुजा शर्मा बीचको अनौठो प्रेम कहानी चलचित्रमा प्रस्तुत हुने अनुमान चलचित्रको आज सार्वजनिक भएको ट्रेलर हेरेर गर्न सकिनेछ । नायिका पुजा शर्मालार्इ आत्माको रुपमा प्रस्तुत गरिएको हुदा दर्शकले पुजा र आकाश बिचको एउटा फरक प्रेमकथा देख्ने अनुमान भएको हो ।
तर निर्देशक थापाको यो चलचित्र केवल एउटा हरर प्रेम कथामा मात्र सिमित भने छैन । केदार घिमिरे, जितु नेपाल, विल्सन बिक्रम राइ, रबिन्द्र झा, राजाराम पौडेल र शोभित बस्नेत जस्ता अव्वल हास्य कलाकारहरुले चलचित्रमा भरपुर कमेडी भर्नेछन् ।
चलचित्र यहि भाद्र २२ गते देशव्यापी रुपमा प्रदर्शनमा आउने भएको छ । यसअघि सार्वजनिक भएको अर्जुन पोखरेलको सङ्गीत भएको “तिम्रो लागि म छु” बोलको गीतले निक्कै चर्चा बटुलीसकेको छ ।
Liked by:
