आफ्नो लामो सांगीतिक करियरमा केही नयाँ प्रयोग गर्न माहिर दीपक बज्राचार्यको नँया गीत “मन मगन” सार्वजनिक भएको छ । कुनै बेला नेपालका संगीतप्रेमीहरुलाई ल्याटिनो म्युजिकको स्वाद चखाउन सफल गायक दीपक बज्राचार्यमा पछिल्लो समयमा भने नेपालीपन या अझ भनौं नेवारीपन झल्काउने सङ्गीतले श्रोताहरुको मन जीत्दैछन् ।
“ओ अमिरा”, “मायाको डोरीले” फेम बज्राचार्यको “मन मगन”को भिडियो भने सुब्रत आचार्यले निर्देशन गरेका हुन् । नँया बर्षमा सार्वजनिक भएको यस गीतको भिडियो अहिले युट्युबको टप टेन ट्रेन्डिंगमा जमिरहेको छ ।अनिल के मानन्धरले छायांकन गरेको गीतको भिडियोले नेवार समुदाय भेषभूषा र संस्कृति र जात्राहरुलार्इ ब्यापक रुपमा प्रस्तुत गरेको छ ।
यस गीतमा दीपक बज्राचार्यसंग मिलेर रिक्की शाक्यले सङ्गीत दिएका हुन् भने गीतमा शब्द रिक्की कै रहेको छ ।
Liked by:
