खुशी लाग्दा, उत्साहमा अनि उत्सर्गमा आहा, हाम्रो अभिब्यक्ति हो ।
आहा एउटा अभिब्यक्ति हो र यसै अभिब्यक्तिमा एउटा आहा नै लाग्ने गीत सुप्रसिद्ध गायक सनुप पौडेलले हामीमाझ पस्किएका छन्, यसपाला ।
जिस्केको हैन, कुरा हो साँचै
भर नलागे लगाँउला ल्याप्चे
एउटा प्रेमीको आफ्नो प्रेमीका प्रमीकालाई गरिएको मिठो मायालु अभिब्यक्ति नै हो, आहा । ल्याप्चे लाएर भए पनि माया जताउने यी मायालु जोडीको प्रेमील अभिब्यक्तिलाई सनुप पौडेल र शुस्मा राईले आफ्नो आवाज मार्फत ब्यक्त गरेका छन् । गीतको मुख्य पक्ष भनेको एउटा आधुनिक प्रकारको दोहेरीको प्रतिरुप हो, यहाँ प्रेमी र प्रेमीकाले पालैपिच्छे आआफ्ना भावनाहरु दर्शाउँदछन् ।
रमाईलो दिनमा मायालुलाई यात्राको क्रममा भेटेको प्रेमीले म्यूजिक भिडियो भरिनै मायालुलाई आफ्नो प्रेमको विश्वाश दिलाउन चाहन्छ । विहान देखि बेलुकासम्मका दृश्यहरु समेटीएको यो म्यूजिक भिडियोमा नेपाली परिवेशको माया र भावहरु देख्न पाईन्छ । शुस्मा र सनुपको यो आवाज र सांगीतीक कोसेलीलाई यूट्यूब अनि विभिन्न सञ्चार माध्यम मार्फत धेरैले रुचाईरहनु भएको छ । साईली पछी एउटा नयाँ अनि मिठो गीत नेपाली दर्शक श्रोता सामु आएको छ , है ।
फूर्सत निकालेर हेर्नुहोस्, लिकं तल छ ।
Liked by:
