केही दिन यता देश तथा विदेशमा बस्ने सम्पूर्ण नेपाली संगीत प्रेमीको धड्कनले एउटै गीत गुनगुनाइरहेको छ "सुन साइली परदेश बाट म आउला सुन साइली ४० कटेसी रमाउला" ।
समय र परिस्थितिको माग अनुसार आफ्नो प्रेमिका आफ्नो श्रीमतीलार्इ एक्लै देशमा छाडेर बिदेशिएका युवाहरुमा समर्पित यी शब्द र सुनमा सुगन्ध भर्ने संगीतले यो सुमधुर गीतलार्इ निक्कै नै चाडो श्रोतामाझ लोकप्रिय बनायो ।
आज प्रेम दिवस अर्थात भ्यालेन्टाइन डे , आजको दिन हाम्रो पात्रो यहाँहरुमाझ प्रस्तुत गर्न चाहान्छ "साइली बिशेष अडियो सामाग्री" । त्यससँगै साइली गीतको बारेमा उक्त गीतका गायक हेमन्त राना र म्युजिक भिडियोका नायक गौरव पाहारीसँग थप रोमान्चक कुराकानीहरु ।
साइली युट्युबमा सबै भन्दा छिटो लगभग १५ लाख चोटी हेरिएको पहिलो नेपाली गीत बनेको छ । नेपाल मा मात्र नभई यो गीतको भिडियो कतारमा पनि पहिलो नम्बर मै ट्रेनडिंग भएको थियो।
Liked by:
