नयाँ नेपाली चलचित्र "कथा काठमाडौ"को छायांकन नारी दिवस को शुभदिन बाट प्रारम्भ भएको छ ।सोमबार राजधानीको थापाथलीस्थीत ब्लुवर्ड मलमा "कथा काठमाडौ"को निर्माण गर्ने औपचारीक घोषणा गरिएको थियो ।
तपाईहामीले काठमाडौ टिभीमा देखिरहेको अनि मन पराएको कार्यक्रम प्रस्तोता, सञ्चारकर्मी संगीता श्रेष्ठको प्रथम निर्देशिनमा बन्ने यो चलचीत्रको कथा पनि उनकै रहेको छ ।
काठमाडौ कथामा हामीले काडमाडौमा देखिरहेको अनि भोगीआएको जिवन, जिवनशैली अनि पात्रहरु विचको फरक फकर कथाहरुलाई प्रस्तुत गरिने उन्ले औपचारीक घोषणा कार्यक्रममा पुगेका हाम्रो पात्रोको टिमसँगको कुराकानीमा वताईन । यसरी कथा काठमाडौका कलाकारहरुमा प्रियंका कार्की, सन्ध्या केसी, आयूष्मान देशराज जोशी, प्रमोद अग्रहरी, संजोग कोईराला आदि लगायतको अभिनय रहनेछ । 
भर्खरमात्र गएको अन्तराष्ट्रिय नारी दिवसको आसपासमा भएको यो नारी निर्देशीत सामाजिक परिवेशको चलचीत्रको निर्माण घोषणा कार्यक्रममा वोल्दै निर्देशक संगीता श्रेष्ठले यस चलचीत्रको निर्माण कार्यक्रम पनि ८ मार्चको दिन सम्पूर्ण नारीहरुप्रति सर्मपित गर्दै हिजो बाटै शुरु गरिने वताईन । तिनवटा अलग्ग कथाहरुलाई एउटै धागोमा वाँधीएको यो चलचीत्रले काठमाडौको जिवन अनि नेपाली परिवेश दर्शाउने सबैको आँकलन छ ।
प्रियकां कार्कीले निर्देशक संगीता श्रेष्ठसँग पहिले पनि थुप्रै म्यूजिक भिडियोहरुमा काम गरेको र कथाहरुसँग निर्देशक संगीताको समबन्धलाई प्रष्ट्याँउदै म्यूजिक भिडियोमा पनि कथा हुनुपर्ने मान्यता राख्ने एउटी जुझारु निर्देशकका रुपमा संगीताको ब्याख्या गरिन् ।
अर्कोतर्फ चपली हाईट २ वाट नेपाली रगंमञ्चमा उत्रेका नायक आयूष्मानले भने आफूले स्क्रिप्ट पढ्दा एउटा चुनौतीपूर्ण पात्र देखेपछी यस चलचीत्रले आफूलाई अभिनय गर्न मन लागेको वताए । चपली पछी अन्य धेरै चलचीत्रवाट अफर आए पनि हतारमा निर्णय गरेर पछुताउने वानी नभएको उन्ले वताए । सन्ध्या केसीले आफ्नो जोडीका रुपमा प्रमोद भएको र उनीहरुको अफस्क्रिन केमीस्ट्री स्क्रिनमा पनि उत्तिकै राम्रो देखिने वताईन्, चलचीत्र प्रति प्रमोद र सन्ध्या दुबै उत्साहित भएको कार्यक्रममा उनीहरुले वताए ।
चलचीत्र विकास वोर्डका अध्यक्ष राजकुमार राईको प्रमुख अध्यक्षतामा भएको कार्यक्रमलाई ईमेज एफएम कि प्रस्तोता सुश्मा राईले सहजीकरण अनि सञ्चालन गरेकी थिईन । अध्यक्ष राजकुमार राईका अनुसार राम्रो चलचीत्र वनाएमा चलाउन अनि लगानी उठाउन नेपालमा समस्या नभएको वताए ।
कार्यक्रममा चलचीत्रका निर्माता विजय कुमार राईले पनि चलचीत्र राम्रो बन्नेमा आफू ढुक्क रहेको वताए ।
पत्रकारको एक प्रश्नमा चलचीत्रको कूल अनुमानित बजेटका कुरामा निर्देश्कले यकिन गरेर अकं तोक्न सक्ने समय नआईसकेको भन्दै प्रष्ट पारेकि थिईन ।
विभिन्न कलाकार, सञ्चारकर्मी, लेखक अनि सिनेमा पारखीहरुका विच सञ्चालन भएके उक्त कार्यक्रममा हाम्रो पात्रोले निर्देशक संगीता श्रेष्ठसँग केही कुराकानी गरेको छ, चलचीत्र कथा काठमाडौको वारेमा, कृपया हाम्रो अडियो सामाग्रीमा सुन्नुहोला ।
कथा काठमाडौलाई मुरी मुरी शुभकामना
------------
हाम्रो पात्रोकालागी सुयोग ढकाल
Liked by:
