यही जेष्ठ १६ गते साँझमा केवल घन्टाभर परेको मुसलधारे पानीले बिराटनगरको मुख्य रोड अनि मुटु भनेपनि हुने हिमालय रोडको दृश्य हो यो । यस्तो लाग्छ मानौ खोला पसेर अब त्यहाँ आवतजावतका लागि डुङ्गा चाहिन्छ । यो हविगत बिराटनगरका अधिकाशं ठाँउ, रोड र चौक चौराहको छ । कारण हो पानीको निकास राम्रो नहुनु ।
यो पनि हेर्नुहोस् : मतगणना प्रक्रियामा को को सामेल हुन पाउँदछन ?
तराईका शहरहरुमा पानीको निकास राम्रो नभएमा केहीबेरकै पानीले पनि सहक र चोक लाई जलमग्न गर्न सक्दछन् । एतिहासिक नगरि बिराटनगर बास्तवमै मौसमअनुसारको चपेटामा छ । घाम लाग्दाको धुलो अनि पानी पर्दाको हिलो, तर यसतर्फ बर्षौदेखि स्थानीय निकायको न्यूनतम मात्र पहल भएको छ । 
यिनै र यस्तै विषय र मुद्धामा केन्द्रित भएर बिराटनगरको बि एफ एम मा निर्वाचनको ६ दिन अगाडि असार ८ गतेका दिन अपहरान्न भीडभाड थियो । नयाँपुस्तासँग मेयरका उम्मेदवारहरुको बहस र कुराकानी थियो, बिराटनगरको अपेक्षा र भावी मेयरका प्रतिवद्धता विषयमा । 
विकल्प एण्ड अल्टरनेटिभ र समृद्धि फाउण्डेसनको आयोजनामा विराटनगर मेयर वहस कार्यक्रम भएको थियो ।
सम्पूर्ण मेयरका उम्मेदवारले बहसका क्रममा एक बर्षभित्र बिराटनगरलाई धुलो धुँवा मुक्त शहर बनाइछाड्ने प्रतिबद्धता ब्यक्त गरेका छन् । जनप्रतिनिधी नभएका कारणले बिराटनगरबासीले धेरै मर्का खेप्नपरेको बताँउदै अब त्यसो नहुने सकै उम्मेदवारको भनाई थियो । नेपाली काँग्रेसका उम्मेदवार भीम पराजुलीले आफ्नो योजनाहरु अत्यन्त ब्यवहारीक रहेको र आफू निर्वाचीत भएमा एकवर्ष भित्रै फरक देख्न सकिने बताए ।
अर्कोतर्फ एमालेका उम्मेदवार विनोद ढकालले बिराटनगरलाई मेघा सिटीका रुपमा बिकास गर्दै भारत अनि चीन समेतकालागि ब्यापारीक हब बनाउने जानकारी दिएका थिए । राप्रपाका तर्फबाट मेयरका उम्मेदवार प्रल्हाद साह र संघिय समाजवादी फोरमका तर्फबाट मेयरका उम्मेदवार उमेश यादवले विराटनगरलाई धुँवा धलो मात्रै नभएर खाल्डा खुल्डी मुक्त गरिने बताउनुभयो । उहाँहरुले विराटनगरलाई समृद्ध शहरका रुपमा विकास गरिने दावी गर्नुभयो ।
मतदाताहरुलाई उम्मेदवारहरुको योजना र क्षमता अनुसार मत दिन सहज होस् भन्ने उदेश्यका साथ उक्त कार्यक्तम आयोजना गरिएको थियो । २० बर्षपछि बिराटनगरले स्थानीय जनप्रतिनीधीकालागि बेलेट बाकस र बेलेट पेपर पाएको हो ।
यसैक्रममा हामीले बिराटनगरका यूवा समाजसेवी अनि उधमी सरोज कार्कीलाई बिराटनगरमा अब छानिने नयाँ मेयरसँगको अपेक्षाका बिषयमा प्रश्न गरेकामा उनको उत्तर यसप्रकार रहेको थियो ।
अहिले सबै हामी विराटनगरवासीले नयाँ निर्वाचित प्रतिनिधि प्रति आशा राखेका छौं । उनीहरूले इमान्दारिता देखाउलान भन्ने विश्वास राखका छौं । उनीहरूले जादुयी केहि गर्न पर्दैन । हिड्न सक्ने खाल्डो , हिलो र धुलो मुक्त बाटो , सुद्ध पिउने पानी र बिजुलीको सहि व्यवस्थापन र सरकारी सेवामा तदारूकता व्यवस्था गरि दिए विराटनगरवासी आफैंले अरू व्यवस्था गर्न सक्थे ।
अब छानिने उम्मेदवारले बिराटनगरवासीका पिडाहरु बाट छुटकारा दिउन् ।
*बिराटनगरवाट निर्मल तामाङ्गका तस्विरहरु
हाम्रो पात्रो
Liked by:
